ပြည်ပမှာ ကျောင်းတက်ဖို့ ပြင်ဆင်ခြင်း - နည်းပညာပစ္စည်းတွေ လိုအပ်ရဲ့လား

ကျွန်တော့်ကို မေးခွန်းတွေ မေးမယ်ဆိုရင်တော့ ဖြေစရာတွေ အများကြီး ရှိပါတယ်။ သုံးနေတာတွေကတော့အများကြီးပဲ။ ကိုယ့်အတွက်တော့ ဒါတွေက သိပ်အကျိုးရှိတယ်။

ဒီပစ္စည်းတွေမရှိရင်ဘာဖြစ်မလဲ။

တကယ်တော့ ဒီဟာတွေအကုန်လုံးက toolsတွေ။ မရှိလဲ ဘာမှတော့မဖြစ်ဘူး။ တခြားသောနည်းလမ်းတွေ ကိုယ်ကြိုက်နှစ်သက်ရာလုပ်လို့ရတာပဲ။ ဥပမာ - ဖုန်းကိုင်ရတာ မကြိုက်ဘူး၊ ခေါင်းမူးတယ်ဆိုတဲ့သူက စာအုပ်နဲ့ ဘောပင်နဲ့ ရေးလို့ရတာပဲလေ။

ဒါပေမယ့် ပြည်ပမှာ ကျောင်းသွားတက်မယ့် ကျောင်းသားတွေအတွက်တော့ ဒီနည်းပညာပစ္စည်းတွေက တော်တော်လေး အရေးပါလာပါတယ်။

ကျောင်းသားမိဘအများစုက ကလေးကို နိုင်ငံခြားကျောင်းထားတော့မယ်ဆို မြင်ကြတာက ကျောင်းလခရယ် နေစရိတ်စားစရိတ်ပဲရှိတယ်။ လွန်ရောကြွံရော အရေးပေါ်စရိတ်နည်းနည်းပေါ့။ ပိုကုန်ကျနိုင်တဲ့ အသုံးစရိတ်တွေမပါဝင်ဘူး။ ကိုယ့်ကလေးက ကျောင်းတက်ရင်း သုံးဖို့လိုအပ်လာပြီဆို ပေးဖို့တွန့်ဆုတ်တတ်ကြတယ်။ အပိုကုန်ကျစရိတ်တွေလို့ ထင်တတ်ကြတယ်။ ဒါလဲ သဘာဝကျပါတယ်။

အနောက်နိုင်ငံ တက္ကသိုလ်အများစုက Online Learning Platform တွေကို အသုံးပြုကြတယ်။ Laptop/Tablet မရှိရင် ဒါတွေကို လုပ်ဖို့ အလွန်ခက်ခဲမယ်။ပြင်ပလောကမှာလဲဖုန်းတစ်လုံးမရှိဘဲ အလုပ်လုပ်ဖို့၊ ကျောင်းတက်ဖို့၊ အပြင်သွားဖို့ဆိုတာ မဖြစ်နိုင်သလောက်ပဲ။

မိဘအများစုက သူတို့ခေတ်တုန်းက နည်းပညာပစ္စည်းတွေ မပါဘဲ ကျောင်းတက်ခဲ့ရတာကို အခြေခံပြီး စဉ်းစားတတ်ကြပါတယ်။ ဒါပေမယ့် ခေတ်တွေ ပြောင်းလဲသွားပြီဆိုတာကို နားလည်ဖို့ အရေးကြီးပါတယ်။

Laptop

ပြည်ပမှာ ကျောင်းတက်တဲ့အခါ Laptop ဟာ ဇိမ်ခံပစ္စည်း မဟုတ်တော့ဘူး။ မရှိမဖြစ်လိုအပ်တဲ့ပစ္စည်းတစ်ခုဖြစ်လာတယ်။ ကျောင်းကွန်ပျူတာတွေကို သုံးလို့ရတယ် ဆိုပေမယ့် ကိုယ်ပိုင် Laptop ရှိခြင်းက ကိုယ့်ရဲ့ ပညာရေးခရီးကို အများကြီး ပိုမိုချောမွေ့စေပြီး ထိရောက်မှု ရှိစေပါတယ်။ ဘာကြောင့်လဲဆိုတော့ -

အနောက်နိုင်ငံတက္ကသိုလ်အများစုရဲ့ သင်ကြားရေးစနစ်က Laptopကို ဗဟိုပြုတယ်။ Lecture notesတွေ၊ Assignment တွေ၊ Project တွေ အားလုံးနီးပါးက Digital formatနဲ့ဖြစ်နေပြီ။ Laptopမရှိရင် ဒီအရာတွေလုပ်ဖို့ဆိုတာ အင်မတန်ခက်ခဲသွားပြီ။

ကိုယ်ပိုင်laptopလေးတစ်လုံးနဲ့ဆို စာကြည့်တိုက်၊ ကော်ဖီဆိုင်၊ အိမ် ကြိုက်တဲ့နေရာ ဘယ်နေရာမှာမဆို စာလုပ်နိုင်တယ်။ အချိန်နဲ့နေရာကန့်သတ်ချက်တွေကို ကျော်လွှားနိုင်တယ်။

ပုံမှန် ကျောင်းစာကိစ္စတွေ (စာရေးတာ၊ Research လုပ်တာ၊ Presentation ပြင်ဆင်တာ) အတွက်ဆိုရင်တော့ အလယ်အလတ်တန်းစား Laptop တွေ (ဥပမာ - MacBook Air, Dell XPS 13, HP Envy) က လုံလောက်ပါတယ်။

Windows: Software Compabilityပိုကောင်းတယ်။ ရွေးချယ်စရာBrand/Modelတွေပိုများတယ်။ စျေးနှုန်းလဲပျမ်းမျှအားဖြင့် ပိုသက်သာတယ်။

Macbook: Apple Ecosystemကိုနှစ်သက်တဲ့သူတွေ iPhoneသုံးနှင့်ပြီးသား interfaceနဲ့ရင်းနီးတဲ့သူတွေအဖို့ ပိုမိုသင့်လျော်ပါတယ်။ သို့သော် တချို့ Engineering/Architecture Software က macOSမှာ အဆင်မပြေတာမျိုးဖြစ်နိုင်ပါတယ်။

Architecture/Engineering တို့လိုMajorတွေအတွက် 3D Modeling, Rendering, CAD Software တွေ အသုံးပြုရမယ်ဆိုရင်တော့ High-Performance Laptop တွေ လိုအပ်ပါတယ်။

• Powerful Processor (ဥပမာ - Intel Core i7/i9, AMD Ryzen 7/9)၊
• RAM (အနည်းဆုံး 16GB, 32GB ဆိုရင် ပိုကောင်း)၊
• Dedicated Graphics Card (ဥပမာ - NVIDIA GeForce RTX, AMD Radeon RX) နဲ့
• SSD Storage

အထက်ပါ Specification တွေ ပါဝင်တဲ့ Laptop တွေ (ဥပမာ - MacBook Pro 16", Dell XPS 15 or 17, ASUS ROG Zephyrus or ProArt StudioBook) ကို ရွေးချယ်သင့်ပါတယ်။

Phone

ဖုန်းကတော့ လူတိုင်းအတွက်လိုအပ်ပါလိမ့်မယ်။ ကျနော်ကတော့ ဖုန်းကို ဘယ်နေရာသွားသွားယူတတ်တယ်။ သီချင်းနားထောင်တယ်။ ဓာတ်ပုံရိုက်တယ်။

၁။ Communication : သူငယ်ချင်းမိတ်ဆွေတွေနဲ့ စကားပြောတယ်။ Emailပို့နိုင်တယ်။

၂။ Information : စာအုပ်ဖြစ်စေ သတင်းဖြစ်စေ ဘယ်ကိစ္စမဆို သိလိုသမျှ ရှာဖွေနိုင်တယ်။

၃။ Entertainment : သီချင်းနားထောင်လို့ရတယ်။ ရုပ်ရှင်ကြည့်၊ Ebookတွေဖတ်လို့ရတယ်။

၄။ ရိုက်ကူးရေး : Videoတွေ ပုံတွေရိုက်လို့ရတယ်။ မျှဝေလို့ရတယ်။

၅။ Navigation: GPSနဲ့မို့ မြေပုံကြည့်လို့ရနိုင်တယ်။ ဘယ်နိုင်ငံ ဘယ်နေရာသွားသွား လမ်းမပျောက်တော့ဘူး။

၆။ Productivity: စာရွက်စာတမ်းတွေ ဖတ်လို့ရတယ်။ မှတ်စုရေးလို့ရတယ်။

ကိုယ့်အတွက်တော့ အရာအားလုံးက ဖုန်းတစ်လုံးကနေစတင်ခဲ့တာမို့ ဖုန်းကောင်းတစ်လုံးရှိနေရင်သိပ်အဆင်ပြေတယ်။ သို့သော် နည်းပညာဘယ်လောက်ပဲ မြင့်မားနေပါစေ အသုံးပြုသူရဲ့ လိုအပ်ချက်နဲ့ ကိုက်ညီမှ တကယ်အသုံးဝင်တာဖြစ်တယ်။

Laptopတစ်လုံးနဲ့ဖုန်း ဘာကွာလဲဆိုတော့ ၂ခုလုံးကတော့ လိုအပ်တာပဲ။ Laptopက အလုပ်အတွက်အဓိကသုံးလို့ရတယ်။ Screen ကြီးတယ်။ စာရိုက်လို့ကောင်းတယ်။ ပိုပြီး စွမ်းဆောင်ရည်ကောင်းတယ်။ သို့သော် ဖုန်းတစ်လုံးလို မပေါ့ပါးဘူး။ ပုံရိုက်လို့မရဘူး။ ဖုန်းပြောလို့မရဘူး။ အကြမ်းဖျင်းပေါ့နော်။

အဓိကက ကျောင်းသားတစ်ဦးအနေနဲ့ ဘာလို့ဒီပစ္စည်းတွေလိုအပ်သလဲဆိုတာပါ။

Tablet

မဖြစ်မနေတော့မဟုတ်ဘူး။ ကျနော်ကတော့

• Digital စာအုပ်တစ်အုပ်ကဲ့သို့ စာမှတ်တယ်။ စာဖတ်တယ်။ စာရိုက်တယ်။ Sketch(ပုံဆွဲ)တယ်။
• Video Callခေါ်တယ်။ ရုပ်ရှင်ကြည့်တယ်။
• Keyboardတို့ Penတို့နဲ့လဲ Laptopအသေးစားလေးလိုအသုံးပြုနိုင်တယ်။

Screenကြီးကြီးနဲ့ ပေါ့ပေါ့ပါးပါးသယ်ဖို့ ယူဖို့လိုအပ်တဲ့အချိန် အသုံးဝင်ပါတယ်။ Architecture တက်နေသူတစ်ဦးမို့ ပိုမိုအရေးပါတယ်။ Site visitသွားဖို့လိုအပ်တဲ့အချိန်ဖြစ်စေ လမ်းသွားနေချိန် တစ်ခုခုရှင်းပြရတာမျိုးဖြစ်စေ သုံးရလွယ်ကူပါတယ်။

ကျနော်ကတော့iPadအသုံးပြုပါတယ်။ iPadအပြင်အခြားသော Samsung, Microsoft tabletတွေရှိတယ်။ iPadထက်လဲပိုကောင်းရင်ကောင်းမှာပါ။ ကျနော်ကတော့ iPhoneရှိပြီးသားမို့ တွဲဖက်အသုံးပြုရတာအဆင်ပြေတယ်။

iPadဝယ်မယ်ဆို သာမန်လူတွေအတွက် ရိုးရိုးiPad သို့မဟုတ် iPad Airလောက်ဆို အတော်အဆင်ပြေနေပါပြီ။ Batteryပိုခံမှ screenနည်းနည်းပိုကောင်းမှ ပုံရိုက်ပိုကြည်မှဆိုရင်တော့ iPad Proဝယ်ယူပါ။ တွဲဖက်အသုံးပြုတဲ့ iPad Keyboard, Apple Pencilတို့က လိုအပ်တတ်တာမို့ စျေးချင့်ချိန်ဝယ်ယူပါ။

Camera(မလိုပါ)

ကျနော်တို့ဗျာ ဘယ်သွားသွားဘာလုပ်လုပ် မှတ်တမ်းယူထားချင်တယ်။ ဗီဒီယိုတွေရိုက်ကူးချင်တယ်။ သာမန်အချင်းချင်းမျှဝေရုံ ပုံတင်ရုံအတွက်ဆို ဖုန်းတစ်လုံးနဲ့တင်အဆင်ပြေတယ်။

သို့သော် ပုံတွေကို အမြဲသိမ်းထားချင်တယ်။ ရုပ်ထွက်ကြည်လင်ပြတ်သားချင်တယ်။ အရောင်အသွေးလှပနေစေချင်တယ်။ အသေးစိတ်ချိန်ညှိပြီး ရိုက်ကူးချင်တယ်။ ထိပ်တန်းဖုန်းတစ်လုံးတောင် ကိုယ့်ရဲ့လိုအပ်ချက်ကို လိုက်မမီတော့ဘူးဆိုရင်တော့ Cameraတစ်လုံးက ဖြည့်စည်းပေးနိုင်ပါလိမ့်မယ်။

သာမန်သူတစ်ဦးအတွက်တော့ လိုအပ်ချက်တစ်ခုလုံးဝမဟုတ်ဘူး။ သို့သော် ပစ္စည်းတစ်ခုခုသာအပိုရှိခွင့်ရမယ်ဆိုရင်တော့ camera တစ်လုံးကကျောင်းသားတိုင်းအတွက်အသုံးဝင်မှာပါ။

Canon, Sony, Nikon ဒါတွေအကုန်လုံး နာမည်ကြီးတံဆိပ်တွေပါ။ Second hand cameraတွေ ၅-၁၀နှစ်လောက် သက်တမ်းရှိပြီးသားကင်မရာတွေကနေ စသင်လို့ရတယ်။ အချိန်တဖြည်းဖြည်းကြာလာတဲ့အခါ ကိုယ့်ရဲ့ရိုက်ကူးရေးပုံစံပေါ်မူတည်ပြီး ထပ်ဝယ်ယူနိုင်တယ်။

ကျနော့်လိုarchitecture majorယူထားတဲ့သူတွေအတွက်တော့ အသုံးပိုဝင်ပါလိမ့်မယ်။ Site Visitသွားတဲ့အခါ အရည်အသွေးမြင့်မားတဲ့ပုံတွေရိုက်နိုင်တယ်။ အသေးစိတ်အချက်အလက်တွေ textureတွေကို ကြည်လင်ပြတ်သားစွာ ရိုက်ကူးနိုင်တယ်။ ကိုယ့်Projectတွေမှာ အသုံးပြုနိုင်တယ်။

ပိုပြီးတော့ အသုံးဝင်ရတာက ရိုက်ကူးရေးသဘောတရားတွေ။ Architecture ဆိုတာက အမြင်အားသန်တယ်။ အမြင်နဲ့ လေ့လာသင်ယူဆုံးဖြတ်တယ်။ Visual Peopleတွေ။ ကိုယ့်Projectဘယ်လောက်ပဲ ideaကောင်းမွန်နေပါစေ ရုပ်ထွက်လှအောင်လဲ ဂရုစိုက်ရမယ်။ ၅၀/၅၀ ပေါ့။

Smart Watch (မလိုပါ)

အချိန်သပ်သပ်ကြည့်ရုံတင်မဟုတ်ဘူး။ လုပ်ဆောင်ချက်များစွာပါဝင်လာတဲ့အတွက် အလွန်အသုံးဝင်တဲ့ပစ္စည်းတစ်လုံးပါ။ ကျန်းမာရေးအတွက် နှလုံးခုန်နှုန်း စောင့်ကြည့်ခြင်း၊ ကယ်လိုရီ၊ ခြေလှမ်းအိပ်စက်ခြင်း၊ သွေးတွင်းအောက်ဆီဂျင်ပမာဏ စတာတွေအတွက် သုံးလို့ရနိုင်တယ်။

FitBit, Garmin, Apple Watch, Galaxy Watch, Google Pixel အကုန်ရှိတယ်။ ကျနော်ကတော့ ကျန်းမာရေးသီးသန့်ကိုပိုအလေးထားတယ်။

နားကြပ်

နားကြပ်ဆိုမှတော့အသံနားထောင်ဖို့ပေါ့ဗျာ။ ဖုန်းပြောလို့ရတယ်။ အားကစားလုပ်တဲ့အချိန် အလုပ်လုပ်နေချိန် စာလုပ်နေချိန်သီချင်းနားထောင်လို့ရတယ်။

Apple Airpodsတို့လိုမျိုး နားထဲထည့်တဲ့ In-Ear Earphones နားကြပ်တွေရှိတယ်။ အားကစားလုပ်တဲ့အခါ မသိမသာလေးတပ်ထားချင်တဲ့အခါ ပေါ့ပေါ့ပါးပါးတပ်ထားချင်တဲ့အခါ အသုံးဝင်တယ်။

နားအပေါ်မှာတပ်တဲ့ Over-Ear/On-Ear headphonesတွေရှိတယ်။ တစ်နေရာထဲ အကြာကြီးထိုင်ပြီး အလုပ်လုပ်မယ် စာလုပ်မယ် လမ်းသွားမယ်ဆိုတဲ့သူတွေအတွက် အသုံးဝင်တယ်။ နားကြပ်ကောင်းရင်တော့ အကြာကြီးတပ်လဲမနာတော့ဘူး။

ဘယ်နေရာမှာပဲ ဖြစ်ဖြစ် (အိမ်မှာ၊ ရုံးမှာ၊ သွားရင်းလာရင်း) ကိုယ်ကြိုက်တဲ့ သီချင်းတွေကို အရည်အသွေးကောင်းကောင်းနဲ့ နားဆင်နိုင်တယ်။ ပတ်ဝန်းကျင်က ဆူညံသံတွေကြောင့် အနှောက်အယှက်မဖြစ်တော့ဘူး အာရုံစိုက်ပြီး အလုပ်လုပ်နိုင်သွားတယ်။

Sony, Sonos, Marshall, JBLတို့အဝယ်များပါတယ်။ Apple, Bose, Bower Wilkinsတို့ကောင်းတယ်။ စျေးကြီးတယ်။

ဘယ်မှာဝယ်ယူရမလဲ။

ပြည်တွင်းမှာကတော့ရွေးချယ်စရာနည်းတယ်။ ပစ္စည်းအသစ်မရတတ်ဘူး။ ဒေါ်လာစျေးထက်ကို ကုန်စျေးနှုန်းအတက်အကျပိုကြမ်းလို့ ပိုပြီး စျေးကြီးတတ်တယ်။ လိုအပ်တဲ့Modificationတွေ (Storageမြှင့်တာ၊ အရောင်ရွေးတာ) မရတတ်ဘူး။

ပြည်ပမှာတော့ ရွေးချယ်စရာများတယ်။ အသစ်ဆိုချက်ချင်းရတတ်တယ်။ ဒေါ်လာစျေးအတက်အကျပေါ်မမီခိုဘူး။ ကြိုက်နှစ်သက်ရာပြင်ဆင်လို့ရတယ်။ တစ်ခုခုပျက်စီးတဲ့အခါ လဲလှယ်ရလွယ်ကူတယ်။ Discountရတတ်တယ်။ သို့သော် အခွန်ခကြီးတတ်တယ်။

နိဂုံး

ပြည်ပမှာ ကျောင်းတက်ဖို့ ပြင်ဆင်နေတဲ့ ကျောင်းသားတွေအနေနဲ့ နည်းပညာပစ္စည်းတွေရဲ့ အရေးပါပုံကို သိရှိနားလည်ထားဖို့ အရေးကြီးပါတယ်။ မိဘတွေအနေနဲ့လည်း သားသမီးတွေရဲ့ လိုအပ်ချက်ကို နားလည်ပေးပြီး၊ ခေတ်နဲ့အညီ ပံ့ပိုးကူညီပေးဖို့ လိုအပ်ပါတယ်။

ဒီပစ္စည်းတွေက စာမလုပ်ချင်တဲ့သူတစ်ဦးကို စာလုပ်ချင်လာအောင် မလှုံ့ဆော်ပေးနိုင်ပါဘူး။ စာမတော်တဲ့သူတစ်ဦးကိုလဲ တော်လာအောင်မလုပ်ပေးနိုင်ပါဘူး။

သို့သော် စာလုပ်ချင်တဲ့သူတစ်ဦးအတွက် အထောက်ပံ့ကောင်းတစ်ခုဖြစ်နိင်ပါတယ်။ ပစ္စည်းမကောင်းလို့ အချိန်မနှောင့်နှေးတော့ဘူး။ အတားအဆီးတစ်ခုမဖြစ်တော့ဘူး။ စိတ်ချလက်ချလုပ်နိုင်သွားပါလိမ့်မယ်။