Moe Notes Podcast Update

Podcastတို့ အသံသွင်းတဲ့ကိစ္စတို့ ကျနော် ဒီနေ့တစ်နေကုန် ကြိုးစားကြည့်နေတယ်။ ဖြစ်ချင်တော့ အသံသွင်းနေတုန်း နာရီဝက် ၁ နာရီလောက်သာကြာသွားတယ်။​

ကိုယ်ကမသိ အပြင်မှာမှောင်လာတော့ ကိုယ့်မျက်နှာကြီးလဲ ပျောက်ဆုံးသွားသလိုဖြစ်သွားတယ်။ တကယ် ရီလဲရီရပါတယ်။​ ကိုယ်ကသာသွင်းနေတာ မျက်နှာကြီးက မသိရင် သရဲကြီး မျက်တွင်းညိုညိုနဲ့ ပုံပြင်ပြောပြနေတဲ့ဒီဇိုင်း။

မကြာမီအချိန်အတွင်း ကျနော်အသံဇာတ်လမ်းပုံစံမျိုးလေးတွေတို့ Interviewလေးတွေ Articleလေးတွေကို အသံနဲ့ဖတ်ပြီးပြောကြည့်တာမျိုးတွေတော့ထုတ်လွှင့်သွားပါမယ်။ တချို့episodeတွေ ၁၀မိနစ်လောက်ကြာမယ်။​ တချို့တွေ နာရီ​ဝက် တချို့လဲ ဒီထက်ကြာရင်လဲကြာမယ်။ 

Facebook, Youtubeတို့ကနေစလို့ Spotifyတို့ Apple Podcastတို့ အထိတော့ ကြိုးစားကြည့်မယ်။​ ခက်တာက ကျနော်ကိုယ်တိုင်လဲ ဒီကိစ္စတွေနဲ့ပတ်သက်တဲ့ နည်းပညာပိုင်းတွေကို လေ့လာနေသလိုမျိုးဖြစ်နေတော့ခက်ခဲနေတာပါ။ ဖြစ်ချင်တော့ Budgetလဲ သိပ်မှမသုံးနိုင်တာ။ 

ဒီတော့ မိတ်ဆွေတို့အတွက်လဲ အဆင်အပြေဆုံး ပုံစံမျိုးနဲ့ ထည့်သွင်းသွားမယ်။​ တခြားသော authorတွေရဲ့ စာအုပ်ဖတ်တဲ့ပုံစံလေးတွေကိုလဲ လေ့လာနေတာလဲပါတာပေါ့။ 

ကြားထဲမှာတော့ သေချာပေါက် စာလေးတွေတော့မပြတ်ရေးနေဦးမယ်။ 

မိတ်ဆွေတို့လဲ ကြားချင်တဲ့အကြောင်းလေးတွေတို့ အကြံပေးချင်တာလေးတွေတို့ရှိရင်လဲပြောပြပေးပါဦး။ 

ဒီPodcastကိစ္စကလဲ စာဖတ်သူမိတ်ဆွေတွေ commentရေးတာလေးတွေကြောင့် ကျနော်အကောင်အထည်ဖော်ဖြစ်သွားတာပါ။

ကြားထဲမှာတော့ အိမ်ပြောင်းဖို့ကိစ္စနဲ့ပတ်သက်ပြီး လုံးပမ်းနေရတယ်။  အိမ်ကပိုက်ဆံလွှဲတာကိုစောင့်ဆိုင်းရင်း မနက်ဖန်သဘက်ခါတောင် ဘယ်နားနေရမှန်းမသိပုံစံမျိုးနဲ့ဖြစ်နေတယ်။ နိုင်ငံရေးကိုပဲအပြစ်တင်ရမလား ကိုယ့်ကိုယ်ကိုပဲအပြစ်တင်ရမလား။ အကြောင်းတွေတိုက်ဆိုင်လာတာပေါ့ဗျာ။ 

© Moe 2024. All Rights Reserved