UK သို့ ပထမဆုံးရောက်ရှိလာသူများအတွက် Survival Guide- ငွေကုန်သက်သာစေမည့် နည်းလမ်းများ

This article is also available in [English]

ဒီထဲပါတဲ့ကိစ္စအတော်များများက UK မှမဟုတ်ပါဘူး၊ ဘယ်နိုင်ငံပဲရောက်ရောက် ဖြစ်တတ်ကြပါတယ်။ နောင်တတွေလဲ အလီလီရကြတယ်။ မကြာသင့်ခဲ့တဲ့အချိန်တွေလဲကြာတယ်၊​ မကုန်သင့်ခဲ့တဲ့ငွေတွေလဲကုန်တယ်။ ဒီလမ်းညွှန်ကတော့ အဲ့ဒီလိုမဖြစ်ရအောင်၊ ငွေလဲသက်သာ၊ ဦးနှောက်လဲမခြောက်ရအောင် ကူညီပေးပါလိမ့်မယ်။

ကျနော်သာ ဒါတွေသိထားခဲ့မိရင်တော့ လာလာချင်းအတွက် သိပ်ကောင်းမှာပါ။ မသိတဲ့လမ်းတစ်ခုကို စမ်းတဝါးဝါးလျှောက်နေရတာထက် ကိုယ့်ခြေလှမ်းကိုယ်သိတာက ပိုကောင်းပါတယ်။ ဒီတော့ နောင်တအလီလီမရရလေအောင် "မိုးမိုးရဲ့ UK လာပုံလာနည်းကျမ်း" ကို ဖတ်ကြပါ။

အဆင့် (၁)။ Immigration ကောင်တာ- သင်၏ ပထမဆုံးစမ်းသပ်မှု

Immigration Officer က သင့်ကို ကိုယ်ဘယ်မှာနေမှာလဲ၊ ဘာလုပ်မှာလဲ စသဖြင့်မေးခွန်းတွေမေးပါလိမ့်မယ်။ လိုအပ်တဲ့documentတွေကို အဆင်သင့်ပြသနိုင်ဖို့ print out ထုတ်ခဲ့စေချင်ပါတယ်။ မမေ့ပါနဲ့၊ ကိုယ့် passport က မြန်မာ passport ပါ။

သင့်စိတ်ထဲမှာ အဖြေတစ်ခု ကြိုတင်ပြင်ဆင်ထားပါ-

"I’ve come here to study at (Oxford Brookes University) for (Bachelor of Arts - Architecture). I will be staying at (my University Accomodation) from tonight throughout the year."

သင်၏ Document Checklist (လက်ဆွဲအိတ်ထဲတွင် print out လုပ်ပြီးထည့်ထားပါ):

• အဓိကလိုအပ်ချက်များ:
  • Passport
  • Visa Approval နှင့် Visa Application
  • School acceptance or CAS letter
  • Tenancy agreement or Accommodation Booking (သင်ရောက်ရှိသည့်နေ့ သို့မဟုတ် ထိုထက်စောသောနေ့စွဲဖြစ်ရန်လိုသည်)
• အပိုအနေဖြင့် ယူဆောင်လာသင့်သောအရာများ:
  • Bank statement (notary )
  • TB Test လက်မှတ်
  • မှတ်ပုံတင် (notary )

အဆင့် (၂)။ ရောက်ရောက်ချင်းကြုံရမည့် ထောင်ချောက်ကြီး (၃) ခု (နှင့် ဘယ်လိုရှောင်ရှားမလဲ)

ခရီးပန်းပြီး Jet lag မိနေချိန်မှာ သင်ဟာ စျေးကြီးတဲ့အမှားတွေလုပ်မိဖို့ လွယ်ကူပါတယ်။

ထောင်ချောက် #၁- လေဆိပ်က SIM Card အလိမ်အညာ

• အခြေအနေ: သင်လေယာဉ်ပေါ်ကပင်ပင်ပန်းပန်းဆင်းလာပြီး အင်တာနက်ချက်ချင်းလိုချင်နေပါတယ်။ Vending machine တွေ၊ Information Counter တွေမှာ SIM card တွေရောင်းနေတာကို တွေ့ပါလိမ့်မယ်။
• ကျနော့်ရဲ့အမှား: Heathrow လေဆိပ်ကောင်တာမှာ 100GB ပါတဲ့ plan တစ်ခုကို ပေါင် ၅၀ (မြန်မာငွေ ၃ သိန်းခန့်) နဲ့ ဝယ်ခဲ့မိပါတယ်။ ပိုက်ဆံအကြွေနဲ့ဆိုရင် ၂ ပေါင်ပိုပေးရမယ်လို့တောင် ပြောပါသေးတယ်။
• စမတ်ကျသောနည်းလမ်း: လေဆိပ်မှာ SIM card လုံးဝမဝယ်ပါနဲ့။ မဖြစ်မနေလိုချင်ရင် အနည်းဆုံး data ပါတဲ့ အသက်သာဆုံးကတ်ကိုပဲဝယ်ပါ။ ပိုကောင်းတဲ့နည်းကတော့ သင့်အဆောင်ကိုရောက်အောင်သွား၊ အနားယူပြီးမှ ၁၀-၁၅ မိနစ်လောက်လမ်းလျှောက်ပြီး အနီးဆုံး convenience store (Tesco Express, Co-op) မှာသွားဝယ်ပါ။ တံဆိပ်တူ plan တူကို ပေါင် ၁၀-၂၀ လောက်နဲ့ပဲရပါလိမ့်မယ်။
• သက်သာသွားသောငွေ- အနည်းဆုံး 50%.

ထောင်ချောက် #၂- စျေးကြီးသော လေဆိပ် Taxi

• အခြေအနေ: ခရီးဆောင်အိတ်အလေးကြီးတွေနဲ့ သင်ပင်ပန်းနွမ်းနယ်နေပါပြီ။ သင့်အခန်းကို အမြန်ဆုံးရောက်ချင်နေပြီ။ အပြင်မှာ ရန်ကုန်မှာလိုပဲ ကားသမားတွေက အဆင်သင့်စောင့်နေပါတယ်။
• ကျနော့်ရဲ့အမှား: စဉ်းစားမနေတော့ဘဲ Taxi တစ်စီးငှားပြီး Oxford ကိုသွားခဲ့တာ ပေါင် ၉၀ (မြန်မာငွေ ၆ သိန်းနီးပါး) ပေးခဲ့ရပါတယ်။ ပစ္စည်းတွေအတွက်စိတ်ပူရလို့ ကားပေါ်မှာအိပ်တောင်မပျော်ခဲ့ပါဘူး။
• စမတ်ကျသောနည်းလမ်း: 24/7 ပြေးဆွဲသော coach service ကိုအသုံးပြုပါ။ Heathrow လိုလေဆိပ်ကြီးတွေကနေ မြို့ကြီးအများစုကို တိုက်ရိုက် express bus တွေရှိပါတယ်။ Oxford ကိုသွားဖို့အတွက် "The Airline Bus" က နာရီဝက်တစ်ခါ 24/7 ပြေးဆွဲပါတယ်။ လက်မှတ်ခက ပေါင် ၂၀-၃၀ ဝန်းကျင်သာကျပြီး၊ ကားပေါ်မှာ အိမ်သာ၊ အားသွင်းပေါက်တွေပါဝင်ကာ အလွန်သက်သောင့်သက်သာရှိပါတယ်။
• သက်သာသွားသောငွေ- အနည်းဆုံး 60%.

ထောင်ချောက် #၃- "အစားချွေတာခြင်း" ဘတ်ဂျက် - ဘာကြောင့်အစားကောင်းကောင်းစားသင့်သလဲ

• အခြေအနေ: သင်က အခန်းအလွတ်ကြီးကိုရောက်လာတယ်။ ငွေလဲနှုန်းကြောင့် ပိုက်ဆံချွေတာချင်တော့ ပေါင်မုန့်နဲ့နို့တစ်ခွက်လောက်နဲ့ပဲ ညစာစားလိုက်တယ်။
• ကျနော့်အကြံပြုချက်: ဒီလိုလုံးဝမလုပ်ပါနဲ့။ အစားအသောက်ကို ပြည့်ပြည့်၀၀ စားပါ။ သင့်ခန္ဓာကိုယ်က jet lag၊ ခရီးပန်းလာတဲ့ဒဏ်နဲ့ ရာသီဥတုအသစ်ဒဏ်တွေကို ခံနေရပါတယ်။ စွမ်းအင်လိုအပ်ပါတယ်။ ပထမအပတ်မှာ အစားချွေတာခြင်းက သင့်ကိုပိုပြီးနေမကောင်းဖြစ်စေပါလိမ့်မယ်။
• သင်၏ ပထမဆုံးအစားအစာများအတွက် လမ်းညွှန်:
  • Supermarket Ready-Meals: Tesco, Sainsbury’s တို့မှာ microwave နဲ့နွှေးစားရုံ အသင့်စားအစားအသောက်တွေရှိပါတယ်။
  • Food Trucks: ကျောင်းသားဧရိယာအနီးမှာတွေ့ရတတ်ပြီး၊ ပေါင် ၁၀ လောက်နဲ့ ပူပူနွေးနွေးအစားအစာတွေရနိုင်ပါတယ်။
  • Fast Food ဆိုင်များ: KFC, McDonald's တို့ကတော့ ရင်းနှီးပြီးသားရွေးချယ်စရာတွေပါ။
  • Delivery Apps: Uber Eats, Deliveroo တို့က အဆင်ပြေပေမဲ့၊ အနည်းဆုံးမှာယူငွေ ပေါင် ၁၅ အထက်မှာရှိတတ်လို့ စျေးပိုကြီးပါတယ်။

အပိုင်း (၃)။ သင်၏အိမ်သစ်ကို ပြင်ဆင်ခြင်း- ပထမဆုံး ဈေးဝယ်ထွက်ခြင်း

• လက်တွေ့အခြေအနေ: သင့်ကျောင်းအခန်းက လုံးဝဗလာဖြစ်နေပါလိမ့်မယ်။ မျက်နှာသစ်ဆေးကအစ စောင်အဆုံး အရာအားလုံးဝယ်ရမှာပါ။
• ကျနော့်ရဲ့အမှား: ပစ္စည်းနည်းနည်းပဲလိုမယ်ထင်ပြီး discount store မှာ ဝယ်နိုင်တာထက်ပိုဝယ်မိကာ၊ အိတ်အလေးကြီးတွေနဲ့ အိမ်ကိုလမ်းပြန်လျှောက်ရပြီး နောက်ဆုံးမှာ taxi ငှားခဲ့ရပါတယ်။
• စမတ်ကျသောနည်းလမ်း: သင်ပစ္စည်းအများကြီးလိုမယ်ဆိုတာကို လက်ခံပါ။ ခဏခဏသွားဝယ်နေတာထက်၊ Home Bargains, B&M, Lidl, Aldi လိုမျိုး စျေးသက်သာတဲ့ဆိုင်တွေကနေ online မှာပြီး delivery နဲ့မှာလိုက်တာက ပိုပြီးထိရောက်ပါတယ်။ တိကျတဲ့ပစ္စည်းတွေအတွက်တော့ Amazon.co.uk ကိုသုံးပါ။

နိဂုံး- ပြင်ဆင်ခြင်း နှင့် နောင်တ

သင်ကတော့ ဘာအစီအစဉ်မှမရှိဘဲ ရောက်လာပြီးမှ ကြုံသလိုဖြေရှင်းမယ်ဆိုလည်းရပါတယ်။ ဒါပေမဲ့ ပိုကောင်းသွားလားဆိုတော့လည်း မဟုတ်ပါဘူး။ ကျနော့်လိုမျိုး "ကားခအတွက်ပဲ ပေါင် ၁၀၀ လောက်သုံးလိုက်မိတယ်" ဆိုတဲ့ နောင်တတွေနဲ့ပဲ အဆုံးသတ်သွားပါလိမ့်မယ်။

ဒီအချက်တွေကိုသိထားခြင်းက သင့်ရဲ့ရောက်ရှိလာခြင်းကို အများကြီးပိုပြီးချောမွေ့စေပါလိမ့်မယ်။ နောက်ထပ်အကြောင်းအရာတွေအတွက် စောင့်ကြည့်ပေးပါဦးဗျိုး။