မိတ်ဆွေတို့အတွက် သတင်းကောင်းနောက်တစ်ခု။

မိတ်ဆွေတို့အတွက် သတင်းကောင်းနောက်တစ်ခု။

အမှန်တော့ ဒီသတင်းလေးက အရင်တစ်ခေါက် Exhibition အကြောင်းရေးတဲ့ထဲမှာ ပါသွားခဲ့ပေမယ့် စာတွေများသွားတော့ သတိမထားလိုက်မိမှာစိုးလို့ သီးသန့်အနေနဲ့ ပြန်တင်ပေးတာပါ။

ကျနော့်ရဲ့ "Amateur Film Studio for Oxford" ပရောဂျက်က Oxford Brookes School of Architecture ရဲ့ ဒုတိယနှစ်တစ်ခုလုံးရဲ့ တစ်နှစ်တာ အကောင်းဆုံး လက်ရာစုစည်းမှုဆု (Best Portfolio) အတွက် ဆန်ကာတင် ၈ ဦးထဲမှာ ရွေးချယ်ခံခဲ့ရပါတယ်။

ဗိသုကာ၊ ဒီဇိုင်းကျောင်းသားတစ်ယောက်အတွက် Portfolio ဆိုတာ သူတို့ရဲ့ "လက်ရာမှတ်တမ်းစာအုပ်" ပါပဲ။ အထဲမှာ အောက်ပါအရာတွေ အစုံအလင် ပါဝင်ပါတယ်:

  • စိတ်ကူးပုံကြမ်းများ (Sketches)
  • ဒီဇိုင်းအဆင့်ဆင့် ပြောင်းလဲလာပုံ (Design Development)
  • အသေးစိတ်ပုံများ (Technical Drawings)
  • မော်ဒယ်များ (Models)
  • စာတမ်းများ (Writings)

ဒီအရာအားလုံးကို စနစ်တကျ၊ လှလှပပ စုစည်းတင်ပြထားတာကို Portfolio လို့ခေါ်ပါတယ်။ ဒါဟာ ကျောင်းသားတစ်ယောက်ရဲ့ အရည်အချင်း၊ အတွေးအခေါ်၊ ဖန်တီးနိုင်စွမ်းနဲ့ ကျွမ်းကျင်မှုအားလုံးကို ပြသတဲ့ အရေးကြီးဆုံး မှတ်တမ်းတစ်ခုပါပဲ။

"အကောင်းဆုံး Portfolio ဆု" ဆိုတာကတော့ ဒီ Portfolio တွေအားလုံးထဲမှာ ဒီဇိုင်း၊ အတွေးအခေါ်နဲ့ တင်ပြပုံ အားအကောင်းဆုံး၊ အပြောင်မြောက်ဆုံးဖြစ်တဲ့ လက်ရာကို ဂုဏ်ပြုတဲ့ဆုပါ။ ဒီဆုကိုတော့ ကျွန်တော့်ထက်ပိုပြီး ထိုက်တန်တဲ့ ကျောင်းသူတစ်ဦးက ရရှိသွားခဲ့ပါတယ်။

ကျနော့်Portfolioလေးကိုတော့ မိတ်ဆွေတို့အားလုံးကြည့်ရှုနိုင်အောင် Websiteပေါ်မကြာမီတင်ပေးပါမယ်။ အားသာချက်တွေရော အားနည်းချက်တွေရော သုံးသပ်လေ့လာလို့ရကြအောင်ပါဗျာ။

ဘယ်လိုပဲဖြစ်ဖြစ် ကိုယ့်ရဲ့တစ်နှစ်တာလုံး ကြိုးစားအားထုတ်မှုကို ဒီလို အသိအမှတ်ပြုခံရတာက ရှေ့ဆက်ဖို့အတွက် တကယ်ကို ခွန်အားဖြစ်စေပြီး ဂုဏ်ယူမိပါတယ်။ အားပေးနေတဲ့ မိတ်ဆွေတစ်ယောက်ချင်းစီကို ကျေးဇူးအများကြီးတင်ပါတယ်ခင်ဗျာ။ 🙏✨

Read more

စကားလုံးမဲ့ ဖော်ပြတတ်သူတစ်ယောက်ရဲ့ ဝန်ခံချက်

စကားလုံးမဲ့ ဖော်ပြတတ်သူတစ်ယောက်ရဲ့ ဝန်ခံချက်

တစ်ခါတစ်လေကျရင် ကိုယ်ဝါသနာပါရာ အလုပ်လေးတွေကို စိတ်နှစ်ပြီး ကြိုးစားလုပ်ကိုင်နေရတဲ့ အခိုက်အတန့်တွေက သိပ်ကျေနပ်ဖို့ကောင်းတယ်။ ကျနော်က ရိုက်ကူးရေ

By Moe Htet
High Wycombe ဘူတာရုံက မမြင်ရတဲ့ နယ်နိမိတ်များ

High Wycombe ဘူတာရုံက မမြင်ရတဲ့ နယ်နိမိတ်များ

Architecture (ဗိသုကာပညာ) ကို မာစတာတန်းအထိ လေ့လာရတဲ့အခါ ကျောင်းမှာ အမြဲလိုလို လေ့လာသုံးသပ်ရတဲ့ အရာတစ်ခု ရှိပါတယ်။ အဲ့ဒါကတော့ "Thresholds & Boundaries" — လူတွေ သတိမထားမိဘဲ လိုက်နာနေကြ

By Moe Htet